رصاص مرصوص

كلامنا رصاص مرصوص


أوعاك تستهون بيه

..

ده الواحد لو منحوس

بكلمة الحظ يجيه

..

ولو كان يوم محظوظ

بكلمة النحس ينهيه

..

كلامنا جن محبوس

نحقق أحلامنا بيه

..

عايش جوة الفانوس

مستنى فرصة تجيه

..

عقلك هو الفانوس

لازم تفكر بيـه

..

إدعكه بفكر مدروس

توصل أهدافك بيه

..

عقلك لو ملحوس

السراب هتجرى عليه

..

فى كلام زى السوس

ناس ب تنم بيه

..

وكلام أصعب نفوس

تسمعه ترتاح ليه

..

أوعى ف كلامك تدوس

قبل ما تفكر فيه

 ..

ده بقينا نقول كلام

نحتار بين معانيه
!!
..
 رصــــــــــــاص مرصـــــــوص